Një rekord historik i temperaturës u regjistrua në Austri, pasi stacioni matës Vjenë-Stammersdorf mati 40.8 °C në orën 14:40, pak më pas temperatura u rrit në 41.0 °C.
Kjo është temperatura më e lartë e matur në atë vend që nga fillimi i matjeve meteorologjike, raportojnë mediat austriake.
Rekordi i mëparshëm ishte 40.5 °C, i regjistruar më 8 gusht 2013 në Bad Deutsch-Altenburg në Austrinë e Poshtme. Shërbimi meteorologjik GeoSphere e ka raportuar tashmë matjen e re, por përpara se të konfirmohet zyrtarisht dhe të futet përfundimisht në historinë klimatike të Austrisë, vlera e matur duhet të kontrollohet dhe konfirmohet zyrtarisht nga shërbimi meteorologjik.
Vala ekstreme e të nxehtit ka shkaktuar tendosje të jashtëzakonshme në pjesën më të madhe të vendit, me paralajmërime për temperatura të larta në shumë vende.
