4 fshatra të Lipjanit në këmbë për Shukri Bujën: Zotohet para tyre për zhvillim modern

Kandidati i PDK-së për kryetar të Lipjanit, Shukri Buja është pritur nga qindra banorë në Llugaxhi, Bujari, Rubofc dhe Kojskë, ku mori përkrahje të jashtëzakonshme.

Buja iu premtoi se në këto fshatra do të ketë rrugë të sigurta dhe të ndriçuara, ujë 24/7, çerdhe, uniforma falas për të gjithë nxënësit, si dhe transport falas për çdo nxënës të shkollave të mesme.

Ai gjithashtu u zotua para tyre për shkolla moderne ku do të ketë qendra komunitare me kurse, aktivitete sportive e kulturore, bibliotekë digjitale dhe teknologji smart për çdo nxënës.

Në fund ai shtoi se në planprogram të tij do të ketë mundësi për të rinjtë të shkëlqejnë përmes bursave dhe praktikave profesionale me pagesë.