4 njohje brenda një viti, Kurti: Erdhën pas një kohe kur më shumë flitej për rrezikun nga të ashtuquajtura çnjohje

Kryeministri në detyrë, Albin Kurti, ka shkruar për njohjet që Kosova pranoi brenda një viti.

Ai tha se katër njohjet e reja janë sukses i shtetit dhe Republikës.

“Katër njohje brenda një viti. Hera e fundit kur kjo kishte ndodhur ishte para më shumë se një dekade. Njohjet e reja dhe fuqizimi i subjektivitetit ndërkombëtar janë sukses i shtetit dhe Republikës. Edhe më të rëndësishme këto njohje i bën fakti se ato erdhën pas një kohe kur më shumë flitej për rrezikun nga të ashtuquajtura çnjohje sesa për mundësitë e njohjeve të reja. Lajmet e mira për vendin janë lajme të mira për të gjithë qytetarët.”

Kosovën së fundi e kanë njohur Kenia, Siria, Sudani dhe Bahamas.