Imri Ahmeti pritet me përkrahje të jashtëzakonshme në Gumnasellë: Programi ynë nuk është listë premtimesh

Mbështetje e jashtëzakonshme e banorëve të Gumnasellë u pa sonte për kandidatin e LDK për kryetar të Lipjanit, Imri Ahmeti.

Ahmeti tha se sonte banorët atje dëshmuan besimin e tyre të pakursyer në rrugën e zhvillimit për këtë komunë.

“Tubime si ky tregojnë qartë se qytetarët besojnë në programin tonë, i cili nuk është thjesht një listë premtimesh, por një plan i qartë që fokusohet në zhvillim, bujqësi, arsimin dhe shëndetësinë.

Përtej fjalëve, me punë, për Lipjanin! Faleminderit Gumnasellë, për këtë mbështetje të jashtëzakonshme!”, tha Ahmeti.