Kryetari serb mbulon emrin e rrugës “Zoran Xhinxhiç” që u vendos paradite nga Fitore Pacolli dhe Valon Peci

Pasi minsitrja e Planifikimit Hapsinor, Fitore Pacolli bashkë me kandidatin për deputet, Valon Pecin vendosën tabelat me emrat e rinj të rrugëve në Mitrovicën e Veriut, kryetari i komunës, Milan Radojeviç, i mbuloi tabelat me pëlhurë të bardhë, duke deklaruar se vendimi për emërtimin e rrugëve është i paligjshëm.

Pacolli dhe Peci vendosën pranë njëri-tjetrit emrat e Isa Boletinit dhe Zoran Xhinxhiqit.

Pak më vonë, në vendngjarje arritën pjesëtarë të Policisë së Kosovës, prej të cilëve njëri e hoqi pëlhurën.

Për kujtesë, punëtorët e Ministrisë së Infrastrukturës së Kosovës sot në pjesën veriore të Mitrovicës po vendosin tabela me emrat e rinj të rrugëve, me asistencën e Policisë së Kosovës.

Ndryshimi i emrave të deritanishëm të rrugëve në Mitrovicë ishte votuar më herët nga udhëheqja komunale e drejtuar nga kryetari shqiptar Erden Atiq.

Ky vendim më pas ishte shfuqizuar në janar të këtij viti nga udhëheqja e re e komunës, e drejtuar nga Milan Radojeviç nga Lista Serbe.