A pati bastisje në Ministrinë e Arsimit, flasin nga ky institucion

Ministria e Arsimit dhe Shkencës (MASh) ka reaguar pas raportimeve për astisje në ambientet e Ministrisë.

Sipas Ministrisë ky informacion është i pavërtetë dhe se në ambientet e saj nuk ka pasur bastisje.

Reagimi i plotë pa ndërhyrje:

Ministria e Arsimit dhe Shkencës (MASh) demanton lajmin e publikuar sot, sipas të cilit pretendohet se janë kryer bastisje në ambientet e Ministrisë.



MASh sqaron se ka marrë konfirmim zyrtar nga Policia e Kosovës se ky informacion është i pavërtetë dhe se në ambientet e saj nuk ka pasur bastisje.



Ministria kërkon nga portali Veriu.info, Indeksonline, Klan Kosova, Paparaci, Infokus dhe mediat e tjera që e kanë publikuar apo ripublikuar këtë informacion ta tërheqin lajmin e pavërtetë dhe ta publikojnë këtë demantim me të njëjtën dukshmëri që i është dhënë lajmit fillestar.



Ministria e Arsimit dhe Shkencës thekson se puna në institucion po zhvillohet normalisht dhe se të gjitha përgjegjësitë dhe detyrat institucionale po realizohen sipas planifikimeve të përcaktuara.