Kryetari i LDK-së, Lumir Abdixhiku, ka qëndruar sonte në Rahovec, shkruan Gazeta Demos.
Ai rahovecasit i ka quajtur punëtor, të dashur e plot tradita.
“Rahoveci është gati për një faqe të re, për zhvillim, projekte dhe për një qeverisje që vendos qytetarin mbi gjithçka. Burimi dhe LDK janë gati ta kthejnë këtë besim në punë konkrete”, shkruan ai.
Postimi i tij:
Sonte, qëndruam në Rahovec. Në këtë qytet punëtor, të dashur dhe plot tradita, prezantuam kandidatin tonë për kryetar, Burim Krasniqin, dhe ekipin e tij të LDK-së për Asamblenë Komunale. Një ekip i përkushtuar, i ri në energji dhe i gatshëm të sjellë ndryshimin që qytetarët presin prej kohësh.
Rahoveci është gati për një faqe të re, për zhvillim, projekte dhe për një qeverisje që vendos qytetarin mbi gjithçka. Burimi dhe LDK janë gati ta kthejnë këtë besim në punë konkrete.
Më 12 tetor, le ta bëjmë Rahovecin shembull të fitores të shpresës, të punës dhe të së ardhmes.
