Kandidati për deputet nga Aleanca për Ardhmërinë e Kosovës, Adil Maloku, i cili mban numrin 108 në listën zgjedhore, ka vazhduar aktivitetet e tij në kuadër të fushatës parazgjedhore duke zhvilluar takime me banorët e disa fshatrave, përfshirë Pejën, Junikun, Kapeshnicën dhe Radavcin, shkruan GazetaDemos.
Gjatë këtyre takimeve, Maloku ka bashkëbiseduar nga afër me qytetarët, duke dëgjuar shqetësimet dhe nevojat e tyre, me theks të veçantë në sektorin e bujqësisë dhe blegtorisë. Ai ka theksuar se zhvillimi i fermave dhe mbështetja e fermerëve do të jenë ndër prioritetet e tij kryesore.