Aksident i rëndë në Bokshiq të Klinës, dy persona pësojnë lëndime – nisen direkt për tretman mjekësor

Një aksident i rëndë trafiku ka ndodhur para pak çastesh në fshatin Bokshiq të Klinës, në rrugën që lidhë këtë fshat me fshatin Gllogjan të Pejës, raporton GazetaDemos.

Siç merr vesh GazetaDemos nga terreni, si pasojë e këtij aksidenti janë lënduar dy persona, të cilët kanë pësuar lëndime të rënda.

Policia e Kosovës së bashku me ekipet mjekësore kanë dalë në vendngjarje dhe po merren me rastin.

Me intervenimin e mjekëve në vendin e ngjarjes, dy të lënduarit janë nisur për tretman më të gjerë mjekësor.

Rruga sipas pamjeve të siguruara nga Demos shihet se ka përreth terren malor.

GazetaDemos ka kontaktuar me Policinë e Kosovës dhe është në pritje të detajeve zyrtare.