Një aksident i rëndë rrugor në Itali është kthyer në tragjedi për një familje shqiptare që po kthehej nga pushimet e Pashkëve.
Ngjarja ndodhi gjatë natës në tunelin Montedomini, ku një automjet u përplas me një kamion që lëvizte me shpejtësi të ulët, pasi i ishte shpuar goma.
Si pasojë e përplasjes, ka humbur jetën 62-vjeçarja shqiptare, Merita Qemali, e cila vdiq pak pas mbërritjes në urgjencën e spitalit të Torrettes, për shkak të plagëve të rënda.Në automjet udhëtonin edhe tre persona të tjerë, bashkëshorti i saj, 49-vjeçar italian me banim në Chiaravalle, motra e viktimës 47 vjeçe dhe djali 10-vjeçar i drejtuesit të mjetit.
