Aksident mes tri veturave në Prilep të Deçanit, tre të lënduar

Tre persona janë lënduar si pasojë e një aksidenti mes tri veturave në Prilep të Deçanit, pasditen e së dielës.

Lajmi u bë i ditur nga zëdhënësi i Policisë për rajonin e Pejës, Driton Rugova.

I njëjti shtoi se të tre të lënduarit janë dërguar për trajtim mjekësor në Spitalin e Pejës.

“Sot rreth orës 14:30, Policia është njoftuar për një aksident trafiku i cili ka ndodhur në fshatin Prilep-Deçan, në këtë aksident ishin të involvura 3 vetura dhe si pasojë 3 persona kanë pësuar lendime trupore, të njejtit janë dërguar në spitalin rajonal në Pejë, për tretman mjekësor”, ka thënë Rugova.