Aksident tragjik me motor në Vranidoll, vdes një person

Një aksident i rëndë me fatalitet ka ndodhur mëngjesin e sotëm në Vranidoll.

Një motoçiklist është përplasur me disa mermerë buzë rrugës, godite që rezultoi fatale për të.

Rastin e ka konfirmuar zëdhënësja e Policisë për rajonin e Prishtinës, Flora Ahmeti.

“Sot rreth orës 07:00, kemi pranuar informatën se në rrugën Podujevë- Prishtinë , ka ndodhur një aksident trafiku me pasoja fatale. Në këtë aksident ka qenë e përfshirë një motoçikletë. Si pasojë e aksidentit ngasësi i motoçikletës nuk ka arrit të përballoj plagët, dhe i njëjti ka vdekur. Vdekja e viktimës (mashkull) është konstatuar nga ekipi mjekësor në vendin e ngjarjes. Me rastin po merret njësiti i trafikut rajonal”, njoftoi ajo.