Albin Kurti largohet nga takimi i sapo zhvilluar me Fatmir Limajn

Ka përfunduar takimi ndërmjet kryeministrit në detyrë, Albin Kurti, dhe kreut të Nismës Socialdemokrate, Fatmir Limaj.

Në pamjet e publikuara nga Nacionale, shihet Kurtin teksa del nga restoranti ku u zhvillua takim.

Takimi vjen në një moment kyç për vendin, në përpjekje për të dalë nga ngërçi politik që po zvarrit krijimin e institucioneve të reja pas zgjedhjeve.

Deri më tani, nuk është bërë e ditur nëse është arritur ndonjë marrëveshje mes palëve. Nisma Socialdemokrate, nga ana tjetër, mbetet e vendosur në kërkesën për postin e kryetarit të Kuvendit – që sipas tyre, është kyç për balancimin e pushtetit.