Ali Berisha pritet nga familja Çeku në Qyshk: Mbështetja e Gjeneralit Agim Çeku, motiv shtesë për rikthimin në Pejë

Kandidati për kryetar të Pejës nga radhët e LDK-së, Ali Berisha, ka bërë të ditur se është pritur nga familja e madhe Çeku në Qyshk, ku mori mbështetje të fuqishme për konceptin dhe programin e tij politik.

Berisha ka shprehur mirënjohje të veçantë për përkrahjen e Gjeneralit Agim Çeku dhe gjithë familjes Çeku, duke e vlerësuar si një motiv shtesë për fitoren e konceptit politik që ai përfaqëson.

Postimi i tij:

Shumë të nderuar që sot u pritëm në familjen e madhe Çeku të Qyshkut. Është nder i madh për ne që koncepti politik dhe programi ynë për Pejën po gjen mbështetje të gjerë!

Mbështetja nga Gjenerali Agim Çeku dhe familja e gjerë Çeku na ofron motiv shtesë për fitoren e konceptit tonë politik dhe rikthimin për Pejën.