Kandidati për kryetar të Pejës, Ali Berisha, ka prezantuar disa nga prioritetet kryesore të programit të tij për zonën e Gllogjanit dhe Lugut të Baranit.
Berisha tha se përveç ujësjellësit për pjesën e Lugut të Baranit, që është një ndër projektet më urgjente, prioritet mbeten edhe ndërtimi i dy pendave të ujit, kanalet e ujitjes, kanalizimi, ndriçimi publik, trotuaret si dhe krijimi i kushteve dinjitoze për varrezat.