Apeli e kthen në rigjykim rastin ndaj Endrit Nikës, i cili akuzohet për vrasjen e argjentinases

Endrit Nika i akuzuar për rastin e vrasjes së argjentinases, Maria Clara Urdangaray, do të përballet përsëri me gjykim në shkallë të parë.

Kjo pasi, Gjykata e Apelit e ka kthyer rastin në rigjykim, bën të ditur, avokati i tij, Tomë Gashi përmes një postimi në rrjetin Social “Facebook”.

“Rasti i z. Endrit Nika kthehet në rigjykim. Gjykata e Apelit ka aprovuar ankesën e mbrojtjes dhe ka vendosur që çështja të kthehet në rigjykim dhe rivendosje”- deklaroi Gasho

Sipas publikimit të tij, vendimi është i rëndësishëm pasi sipas Gashit e vërteta nuk mund të ndërtohet mbi supozime e paragjykime.

“Ky vendim është i rëndësishëm, sepse në këtë proces penal e vërteta nuk mund të ndërtohet mbi supozime, interpretime apo paragjykime. Ajo duhet të përcaktohet vetëm mbi prova”- thotë tutje, Gashi në 'Facebook'.