Ardian Shala i LDK-së premton ndërtimin e tri çerdheve të reja në Suharekë, Budakovë dhe Bllacë

Kandidati i Lidhjes Demokratike të Kosovës (LDK) për kryetar të Komunës së Suharekës ka bërë të ditur se kujdesi për fëmijët do të jetë një nga prioritetet kryesore të programit të tij qeverisës.

Në një postim publik, ai ka paralajmëruar ndërtimin e tri çerdheve të reja në Suharekë, Budakovë dhe Bllacë, duke theksuar rëndësinë e edukimit të hershëm dhe mbështetjes për familjet e reja.

“Do të krijohen hapësira moderne, të sigurta dhe me standarde të larta, ku fëmijët tanë do të rriten me dashuri dhe përkujdesje,” ka deklaruar kandidati i LDK-së.

Sipas tij, ky projekt përfaqëson një investim të drejtpërdrejtë për familjen, për fëmijët dhe për të ardhmen e komunës.

Postimi i plotë:

Kujdesi për fëmijët është prioritet!

Në programin tonë kemi paraparë ndërtimin e 3 çerdheve të reja, Suharekë, Budakovë dhe Bllacë, që do të krijojnë kushte më të mira për edukim të hershëm dhe lehtësim për prindërit.

Do të krijohen hapësira moderne, të sigurta dhe me standarde të larta, ku fëmijët tanë do të rriten me dashuri dhe përkujdesje.

Ky është investim për familjen, për fëmijët dhe për të ardhmen!