Kandidati i LDK-së për kryetar të Suharekës, Ardian Shala, ka vizituar fshatin Grejkoc, ku është pritur nga banorët me të cilët ka diskutuar për nevojat dhe mundësitë zhvillimore të kësaj zone, shkruan GazetaDemos.
Në fokus të bisedës ishte potenciali i pellgut malor të “Gjolit”, për të cilin Shala tha se do të ketë mbështetje për t’u shndërruar në një atraksion turistik.
Ai prezantoi një plan konkret që përfshin sigurimin e ujit të pijshëm, ndërtimin e fushave sportive, shtigjeve për ecje, këndeve të lojërave për fëmijë dhe shtimin e gjelbërimit në fshat.
“Projeket janë të realizueshme me përkushtim dhe vizion të qartë,” theksoi Shala në takimin me banorët.
Postimi i plotë :
Grejkoci Sot u kthyem në Grejkoc, ku bashkë me banorët biseduam për projektet që e bëjnë jetën më të mirë dhe fshatin më të zhvilluar. Diskutuam sërish për potencialin e pellgut malor të “Gjolit” dhe mbështetjen tonë për ta kthyer në atraksion turistik. Plani ynë për këtë fshat përfshin edhe ujë të pijshëm, fusha sportive, shtigje për ecje, kënd lojërash dhe gjelbërim, projekte të realizueshme me përkushtim dhe vizion të qartë. #ArdianShala113 #LDK #Suharekapërtej
