Kandidati i Lidhjes Demokratike të Kosovës për kryetar të Komunës së Suharekës, Ardian Shala, ka vizituar sot njërin nga bizneset prodhuese lokale që udhëhiqet nga sipërmarrësi Shaban Ramadani, me origjinë nga fshati Leshan dhe me njësi prodhuese në Gjinoc, shkruan GazetaDemos.
Gjatë vizitës, Shala u shpreh i impresionuar me përkushtimin dhe seriozitetin e pronarit, duke e vlerësuar këtë iniciativë si shembull të qartë të potencialit të sipërmarrjes lokale.
“Punën dhe përkushtimin e tij e shoh si një shembull të vlerës së sipërmarrjes sonë lokale,” deklaroi Shala.
Ai theksoi se në programin qeverisës të LDK-së për Suharekën, mbështetja për bizneset prodhuese do të jetë një nga prioritetet kryesore.
“Do të angazhohemi për zero taksa për bizneset prodhuese, kushte më të mira për investime, më shumë mundësi për punësim dhe zhvillim ekonomik të qëndrueshëm,” tha ai.
Shala shtoi se përkrahja ndaj sektorit privat është çelësi për zhvillim afatgjatë dhe ndaljen e shpërnguljes nga komuna.