Luka Mishetiq, avokat i ish-presidentit të Kosovës Hashim Thaçi, ka kritikuar ashpër efikasitetit e Gjykatës së Apelit që funksionon brenda Dhomave të Specializuara.
Mishetiq përmes një shkrimi në platformën X, bëri të ditur se të gjitha apelet në rastin e Thaçit janë refuzuar gjatë këtyre pesë vite e gjysmë sa ish-presidenti po mbahet atje.
Sipas tij, rastet janë 0:40 në favor të Speciales.
“Për hir të plotësisë lidhur me efektivitetin e ankesave në gjyqin për krime lufte ndaj Hashim Thaçi: Mbrojtja në këtë gjykim tashmë ka paraqitur (dhe përfunduar) 40 ankesa ndërmjetëse. Paneli i Apelit deri më tani i ka refuzuar të gjitha. Kjo do të thotë 0 nga 40 përgjatë pesë viteve e gjysmë”, ka shkruar ai në X.
Zyrtarisht gjykimi ndaj Hashim Thaçit, Kadri Veselit, Jakup Krasniqit e Rexhep Selimit ka nisur më 3 prill 2023.