Baica me pjesëmarrje masive në përkrahje të Imri Ahmetit: I premton banorëve shkollë të re e projekte infrastrukturore

Kandidati i Lidhjes Demokratike të Kosovës për kryetar të komunës së Lipjanit, Imri Ahmeti, mes një pjesëmarrje masive është mirëpritur nga qytetarët e fshatit Baicë.

Nga ta mori përkrahje e cila ia dëshmoi besimin e palëkundur ndaj kryetarit aktual dhe planprogramit të tij.

“Me pjesëmarrjen masive të qytetarëve sonte në Baicë, u dëshmua fuqia dhe besimi i tyre i palëkundur në rrugën tonë drejt fitores. Ky entuziazëm na jep forcë dhe motivim për të vazhduar përpara”.

Ahmeti njoftoi se gjatë këtij tubimi prezantuan punën dhe projektet që do të realizohen, si ndërtimi i shkollës së re dhe projektet infrastrukturore.

“Programi ynë nuk është vetëm një plan, por rruga e sigurt drejt zhvillimit dhe progresit të qëndrueshëm. Përtej fjalëve, me punë për Lipjanin! Faleminderit Baicë, për besimin dhe përkrahjen!”, tha Ahmeti.