Komandanti i FSK-së, Gjenerallejtënant Bashkim Jashari, ka uruar “ Ditën e Forcës”, shkruan DEMOS.
Jashari deklaroi se “FSK, që nga themelimi e deri më sot, ka dëshmuar përkushtim, profesionalizëm dhe disiplinë në përmbushjen e misionit të saj për mbrojtjen e sovranitetit dhe integritetit territorial të Republikës së Kosovës, për mbështetjen e paqes, sigurisë dhe zhvillimit të vendit tonë.”.
I plotë:
Komandanti i FSK-së, Gjenerallejtënant Bashkim Jashari, uron “ Ditën e Forcës”
Të nderuar ushtarakë, pjesëtarë aktivë dhe rezervë të Forcës së Sigurisë së Kosovës dhe Ministrisë së Mbrojtjes, të nderuar qytetarë të Republikës së Kosovës, me rastin e “Ditës së Forcës”, më lejoni t’ju përcjell urimet më të sinqerta për këtë ditë të rëndësishme për institucionin tonë dhe për gjithë qytetarët e vendit.
FSK, që nga themelimi e deri më sot, ka dëshmuar përkushtim, profesionalizëm dhe disiplinë në përmbushjen e misionit të saj për mbrojtjen e sovranitetit dhe integritetit territorial të Republikës së Kosovës, për mbështetjen e paqes, sigurisë dhe zhvillimit të vendit tonë.