Deputeti i Partisë Demokratike të Kosovës, Artan Behrami, ka reaguar ashpër ndaj kryeministrit në detyrë Albin Kurti pas vdekjes së punëtorit të katërt brenda këtij viti në Korporatën Energjetike të Kosovës, duke e akuzuar atë për mungesë empatie.
Përmes një postimi në rrjetet sociale, Behrami bëri një krahasim me ngjarjen e vitit 2014, kur pas një shpërthimi me dy viktima në KEK, ish-kryeministri Hashim Thaçi kishte shkuar menjëherë në vendngjarje, kishte anuluar fushatën zgjedhore dhe u kishte shprehur ngushëllime familjeve.
Sipas Behramit, në rastin e fundit Kurti nuk e ka vizituar vendin e ngjarjes, nuk i ka takuar familjarët e të ndjerit dhe nuk ka bërë asnjë reagim publik.
“Të vdekurit që nuk mund t’i kapitalizojë në fushatë, Albin Kurti as që i numëron. Ky është dallimi ndërmjet një burrështetasi dhe një populisti”, ka shkruar deputeti i PDK-së.
Postimi i tij i plotë:
Në vitin 2014, pas vdekjes së dy punëtorëve në një shpërthim në KEK, ish-kryeministri Hashim Thaçi shkoi në vendin e ngjarjes, brenda pak minutash, madje para menaxhmentit të KEK-ut.
Edhe pse iu kërkua të largohej për shkak të rrezikut nga një shpërthim tjetër, ai refuzoi.
