Bordi i Radio Televizionit të Kosovës (RTK) ka zgjedhur Zana Spahiun në pozitën e drejtoreshës së përgjithshme të transmetuesit publik.
Vendimi është marrë me 8 vota për, ndërsa nuk ka pasur asnjë votë kundër dhe asnjë abstenim.
Sipas informacioneve nga mbledhja e bordit, kjo ka qenë pika e vetme e rendit të ditës dhe nuk është zhvilluar diskutim lidhur me ankesën e ish-drejtorit Hysen Hundozi, i cili kishte ngritur pretendime duke vënë në pikëpyetje përgatitjen profesionale të Spahiut për këtë pozitë.