Burgim i përjetshëm për burrin që e vrau vëllanë dhe kunatën në Tiranë

Gjykata e Shkallës së Parë e Juridiksionit të Përgjithshëm në Tiranë e ka dënuar me burgim të përjetshëm Arsen Muskurtin, i cili vrau vëllanë dhe kunatën e tij në vitin 2022.

Ai akuzohet se më 1 gusht 2022, ka hyrë brenda agjencisë së udhëtimeve ’Nour Tours’ duke mbajtur në dorë një armë dhe ka goditur për vdekje dy viktimat, Dritan dhe Nora Muskurti.

Muskurti do ta vuajë dënimin në një burg të sigurisë së lartë, raporton TCh.

I pyetur për ngjarjen, ai ishte shprehur se drejt vrasjes e çuan problematikat e vazhdueshme me të vëllanë, të cilin e akuzoi se shantazhonte atë dhe prindërit prej kohësh.