Naim Murseli, i dënuar me burgim të përjetshëm për vrasjen e bashkëshortes së tij, Liridona Ademaj, ka ankimuar vendimin e Gjykatës Themelore.
Ankesa prej 30 faqesh, e dorëzuar nga dy avokatët e tij, pritet të shqyrtohet nga Gjykata e Apelit, ku kërkohet ndryshimi i dënimit.
Në ankesë pretendohet se gjykata e shkallës së parë i ka vlerësuar provat në mënyrë të njëanshme dhe selektive, ndërsa mbrojtja ngre pretendime edhe për mënyrën e marrjes në pyetje të Murselit nga policia.