Analisti Blerim Canaj ka thënë se pret nga presidentja e Kosovës Justina Shiroka Pula që të ndërmarrë hapa konkretë në mbështetje të ish-krerëve të UÇK-së që po mbahen në Hagë, duke kërkuar që ajo fillimisht t’i vizitojë ata dhe më pas ta nënshkruajë ligjin për Dhomat e Specializuara.
Lajme
Canaj: Presidentja të shkojë t’i vizitojë ish-krerët e UÇK-së në Hagë, pastaj ta nënshkruajë ligjin
Canaj tha se seriozitetin e presidentes për këtë çështje do ta vlerësonte përmes një kërkese zyrtare për vizitë në Hagë.
“Unë pres që presidentja së pari të bëjë një kërkesë për të shkuar t’i vizitojë ata në Hagë dhe, kur të kthehet prej Hagës, ta nënshkruajë ligjin. Seriozitetin e saj e shoh kur ta shoh kërkesën e saj për t’i vizituar ata atje. Ky do të ishte një mesazh”, tha Canaj në rtv21.
