Janë shkaktuar përmbytje në vendpunishten ku po zhvillohen punimet për ndërtimin e urës së dytë – urës së këmbësorëve që pritet të lidhë pjesën veriore dhe jugore të Mitrovicës, shkruan Demos .
Pamjet nga mediat tregojnë se një sasi e madhe uji ka depërtuar në zonën e punimeve, duke shkaktuar dëme të konsiderueshme në makineri dhe materiale ndërtimi.
Jahir Nimani ka dalë në vendngjarje për të vlerësuar dëmet dhe ka kërkuar përgjegjësi për situatën e krijuar.
“Me makina, me çdo gjë që është këtu, e ka marrë uji. Kemi punuar deri në mbrëmje dhe jemi larguar në shtëpi. Djali më thirri, sepse ne e përcjellim vazhdimisht nivelin e ujit – kur erdha, e kishte marrë uji komplet,” deklaroi Nimani për mediat.