Çollaku thotë se Kosova është shndërruar në një shtet me të cilin mund të tallet kushdo

Analisti Bekim Çollaku sonte në emisionin “Rubikon” në Klan Kosova ka komentuar deklarimet e presidentit amerikan, Donald Trump se ka ndalur një luftë mes Kosovës dhe Serbisë.

Ai u shpreh se në lidhje me këtë nuk ka pasur llogaridhënie nga institucionet dhe u shpreh se Kosovës është shndërruar në një shtet me të cilin mund të tallet kushdo .

“Nuk kemi llogaridhënie, trasparencë as nga presidentja, as nga kryeministri, as nga Agjencia e Kosovës për Intelegjencë, as nga Policia e Kosovës, as nga FKS-ja, asnjëri nga këto institucione deri më sot nuk e ka dhënë asnjë sqarim të vetëm”.

“Nuk mund të përgatiten tash, sepse nëse ka pasur kërcënim do të thotë ai kërcënim tashmë ka kaluar, supozohet që ka kaluar. Mirëpo është përkeqardhje në çfarë niveli ka rënë shteti i Kosovës, duke përfshirë të gjitha këto institucione që i përmenda me rend”.

“Sot shteti jonë pa përjashtim është shëndrruar në një shtet me të cilin mund të tallet, mund të bëjë hajgare kushdo qoftë. Sepse askush nuk është në nivelin e detyrës të cilën ia përcakton Kushtetuta dhe Ligji”, u shpreh ai