“Deri dje i njëjti në një aspekt ishte hero dhe sot ndodhet në qendër të ndalimit”, avokati tregon për gjendjen e njërit nga 5 policët e arrestuar në Lipjan

Avokati, Urim Vokshi, dha detaje rreth gjendjes së klientit të tij, policit Albian Retkoceri i cili ishte i përfshirë në rastin në Lipjan.

Vokshi për “Kallxo.com” tregoi se klienti i tij është në gjendje të rënduar emocionale.

“Deri dje i njëjti në një aspekt ishte hero dhe sot ndodhet në qendër të ndalimit”, deklaroi avokati.

Ndryshe, Prokurori i shtetit ka bërë kërkesë për caktimin e masës së paraburgimit ndaj pesë policëve nga Lipjani që u përfshinë në rastin ku vdiq 27-vjeçari Agon Zejnullahu.

I ndjeri u varros dje në varrezat e fshtit Banullë të Lipjanit.