“Djali ka bërtit ‘mam'”, fqinji i 46-vjeçarës jep detaje për tragjedinë në Shtime

Një ngjarje e rëndë ka ndodhur para rreth dy ditësh në Shtime, atje ku një grua e moshës 46-vjeçare ka humbur jetën tragjikisht.

E ndjera, vdekja e së cilës u konfirmua në Emergjencën e qytetit, dyshohet se gjatë momentit kritik ishte duke pastruar.

Mbështetja e trupit në mbajtësin metalik të ballkonit i kushtoi me jetë, të cilët u shkapën nga vendi ku ishin vendosur, dhe ranë së bashku me gruan.

Në vendin e ngjarjes përveç ekipeve emergjente, u panë edhe fqinjët e saj.

“Kemi qenë duke u kthyer, kam qenë duke vozitë kur e kam parë gruan e shtrirë. Shoqja ka dalë dhe ka shku te e ndjera, ka qenë edhe djali i vetë, i cili ka bërtit “mam”, na ka trishtu”, tha njëri nga fqinjët.

Sipas pronarit të tokës ku ndodhet ndërtesa, tha Mustafë Beqaj se punimet në këtë objekt banesor kanë ngecur që nga 2016.

“Ky objekt banesor është i papërfunduar. Njerëzit banojnë dikush kah s’ka nga ia mbanë”, shtoi ai.