Drejtësi për çlirimtarët, shqiptarët gati për protestën në Strasburg

Shqiptarët nga anekënd bota kanë nisur të mblidhen para Asamblesë së Përgjithshme të Këshillit të Evropës në Strasburg, aty ku do të protestohet në mbështetje të ish-krerëve të UÇK-së që po mbahen në Hagë.

Rreth 6 mijë protestues është paralajmëruar të marrin pjesë në këtë organizim, i cili shënon të katërtin me radhë, dhe zhvillohet nga ora 13:00.

Protestuesit që janë mbledhur tashmë para Këshillit të Evropës, brohorisnin njëzëri “UÇK, UÇK”.

Pas Prishtinës, Hagës dhe Tiranës, kjo protestë e radhës zhvillohet në Strasburg, derisa pritet të ketë pasuese edhe në Maqedoni të Veriut, por jo edhe në Luginë të Preshevës shkak i mundësisë së incidenteve e arrestimeve nga policia serbe.