Dy persona janë plagosur nga arma e zjarrit, si dhe një person tjetër është lënduar si pasojë e një përleshje fizike që ka ndodhur mes disa personave në Matiqan të Prishtinës, konkretisht në rrugën “Papa Gjon Pali”.
Zëdhënësi i Policisë për Rajonin e Prishtinës, Enis Pllana, ka bërë të ditur për “DEMOS’ se rreth orës 20:00 policia ka pranuar informatën për një përleshje në mes të disa personave.
“Njësitet policore kanë dalë menjëherë në vendin e ngjarjes, ku sipas informacioneve fillestare tre persona kanë mbetur të lënduar, të cilët janë dërguar për tretman mjekësor. Aktualisht, njësitet relevante policore janë duke ndërmarrë veprimet e nevojshme hetimore për të sqaruar rrethanat e rastit”, ka deklaruar Pllana.