E rëndë, babai akuzon vajzën: Çika jem më helmoi dhe iku nga shtëpia

Dy vjet pasi dhëndri i tij u shpall se kishte vdekur nga shkaqe natyrore, Vllaznim Basha nga Rahoveci nuk po arrinte të qetësohej.

Dyshimet e tij për një vrasje vetëm sa thelloheshin. Prandaj, ai vendosi që njëherë e mirë të përpiqej të zbardhte misterin që po e mundonte.

Pas shumë tentativave, më 22 prill të këtij viti, dyshimet e tij morën një drejtim të ri kur autopsia vërtetoi se dhëndri i tij, Hisen Haxhimustafa, nuk kishte vdekur nga shkaqe natyrore, por si pasojë e një varjeje.

Tetë muaj më vonë, Vllaznimi thotë se nuk e di se ku ndodhet vajza e tij, për të cilën dyshon se ose ka qenë e përfshirë në atë që ka ndodhur ditën e vdekjes së bashkëshortit të saj, ose është nën presion nga persona të tjerë për të mos treguar të vërtetën.

Sipas tij, kjo lidhet edhe me faktin se vajza ndryshoi qëndrim ndaj tij në momentin kur Gjykata vendosi të bëhej zhvarrimi i trupit të bashkëshortit.

Gjithë këtë thotë që të mos zbardhej rasti Hysenit sa që e çoi edhe në vendimin e saj në dhjetor të atij viti edhe e helmoi në ushqim. Lëndimet trupore thotë që i përjetoi nga marramendja e alivanosjet e shpeshta.

Për të vërtetuar dëshminë e tij, Vllaznimi nxjerr fotografitë ku shihen plagë të rënda trupore, e të cilat thotë që iu shkaktuan nga përplasjet në tokë, gjatë kohës kur ishte në gjendje të rëndë psikike.

Madje akuzat e tij, shkojnë përtej duke akuzuar të bijën se i bëri kallëzim penal për dhunë në familje vetë për të fshehur atë që ajo dinte.