E rëndë: Kështu u lëndua një protestues sot

Bekim Haxhiu ka publikuar foto të një qytetari të lënduar gjatë protestës

Postimi:

Dhjetëra protestues të rinj e veteranë të UÇK-së, që morën plagë në luftën çlirimtare, sot u plagosën përsëri, kësaj here gjatë protestës.

Ata që derdhën gjak për lirinë e Kosovës, sot u përballën me dhunë gjatë një proteste ku po mbroheshin vlerat, historia dhe sakrifica e UÇK-së.

Emergjenca e QKUK-së u mbush me dhjetëra protestues të lënduar. Ndërkohë, sipas asaj që u pa në protestë, nuk pati policë që kërkuan ndihmë mjekësore.

Protestuesit që mbrojnë vlerat e UÇK-së dinë ta respektojnë uniformën e Policisë së Kosovës dhe institucionet e Republikës së Kosovës.

Policia e Kosovës nuk duhet të veprojë me urdhra politikë të Xhelalit dhe Kurtit.

Përdorimi i forcës në mënyrë joproporcionale është i pajustifikuar dhe i papranueshëm.

UÇK-ja është pjesë e historisë së Kosovës. Sakrifica e saj nuk mund të mbrohet me dhunë ndaj qytetarëve që protestojnë.