Gjuajtje me armë zjarri janë dëgjuar mbrëmë rreth orës 00:18, në një lokal në Deçan, raporton GazetaDemos.
Sipas burimeve të GazetësDemos, nga përdorimi i armës, tre persona kanë mbetur të plagosur.
Nga po të njëjtat burime, GazetaDemos merr vesh ekskluzivisht se në mesin e të plagosurve janë dy qytetarë serbë dhe një avokat.
Motivet e kësaj mosmarrëveshje akoma janë të paqarta.
Rastin e ka konfirmuar zëdhënësi i Policisë për rajonin e Pejës, Fadil Gashi, i cili tha se të palgosurit janë dërguar në QMF dhe pastaj në Emergjencës e Spitalit të Pejës ku ka vazhduar trajtimi mjekësor.
Me urdhër të prokurorit, një person është arrestuar, teksa në vendin e ngjarjes janë sekuestruar një armë, dhe një karikator me 9 fishekë.
“Një person i dyshuar është arrestuar dhe me urdhër të prokurorit të shtetit është dërguar në mbajtje për 48 orë. Në vendin e ngjarjes kanë dalë të gjitha njësitë kompetente për të sqaruar rrethanat e ngjarje, ndërsa janë sekuestruar 1 armë, 1 karikator me 9 fishekë”, tha Gashi.
