Ekstradohet nga Kroacia në Kosovë një i kërkuar për mashtrim

Policia e Kosovës ka njoftuar se është realizuar ekstradimi nga Kroacia në Kosovë i një personi të kërkuar me letër rreshtim ndërkombëtar.

Sipas njoftimit, më 15 maj 2026, Drejtoria për Bashkëpunim Ndërkombëtar Policor, në koordinim me institucionet e drejtësisë dhe autoritetet kroate, ka bërë ekstradimin e shtetasit kosovar me inicialet I.E, shkruan Gazeta Demos.

I dyshuari ishte arrestuar nga autoritetet kroate pasi kërkohej nga INTERPOL-i me urdhër të institucioneve të drejtësisë së Kosovës për veprën penale “Mashtrim”.

Sipas Policisë, ai dyshohet se i ishte shmangur drejtësisë për një periudhë kohore.

Pas ekstradimit në Kosovë, i dyshuari u është dorëzuar njësive përkatëse policore në rajonin e Prizrenit për procedura të mëtejme ligjore.