Këngëtarja, arkitektja dhe deputetja e Kuvendit të Kosovës, Eliza Hoxha, nuk ka mundur t’i mbajë lotët gjatë paraqitjes së saj të fundit televizive, teksa ka folur për aktgjykimin e Dhomave të Specializuara në Hagë ndaj ish-krerëve të Ushtrisë Çlirimtare të Kosovës.
E ftuar në emisionin “Frontal”, Hoxha ka folur për situatën e krijuar pas vendimit të gjykatës, i cili solli dënimin e Hashim Thaçit, Kadri Veselit, Rexhep Selimit dhe Jakup Krasniqit.
Duke folur për gjendjen në të cilën ndodhet Kosova pas këtij vendimi, Hoxha tha se vendi po përballet me një prej momenteve më të vështira të historisë së tij të pasluftës.
“Unë mendoj që po, gjendja është aq e rëndë sa s’po e kuptojmë. Unë mendoj që ky është udhëkryqi më i vështirë që ka pasur Kosova. Ata janë burra të fortë, burra që kanë besuar që një aparat shtetëror duhet me i dalë përpara. Ata besoj edhe e di që e durojnë edhe këtë sfidë, por ne si shoqëri kemi shumë punë, edhe si shtet kemi shumë punë. Jo vetëm atyre, por me i dalë zot edhe shtetit”, është shprehur ajo.
Teksa po fliste për përgjegjësinë e shoqërisë dhe institucioneve pas zhvillimeve në Hagë, emocionet e kanë pushtuar Hoxhën.
