Policia e Kosovës ka ndërhyrë sot në një lokacion në komunën e Zveçanit, pas marrjes së informatave për prezencë të mundshme të armëve pa leje.
Aksioni rezultoi me gjetjen e disa pajisjeve ushtarake dhe armatimi.
Zëvendësdrejtori i Policisë së Kosovës për veriun, Veton Elshani, konfirmoi për”DEMOS” se në vendin e ngjarjes janë gjetur.
“Uniforma kamuflazhi, Helmeta, 5 karikatorë të mbushur me fishekë, Pajisje radiolidhjeje, që dyshohet se ka qenë pjesë e paisjeve policore më herët, Uniforma të tjera të tipit “gjyksore”.
Sipas Elshanit, materiali i gjetur dyshohet se është mbetje e grupit të përfshirë në sulmin e armatosur në Banjskë.
”Prona nuk është shtëpi, por ishte një hapësirë me automjete të vendosura, një rimorkioje. Sipas informatave tona, prona është e një personi që është i dyshuar si pjesë e rastit Banjskë dhe aktualisht është në kërkim nga Prokuroria Speciale”, tha Elshani.
