Kandidatja e PSD-së për kryetare të komunës së Prishtinës, Besa Shahini po vazhdon t’i shfaq para qytetarëve shpenzimet mujore përkundër pagës mesatare në kryeqytet.
Ajo ka treguar se ende pa përfunduar muajin, tashmë është minus 10 euro nga 650 sa e nisi muajin.
“E nisëm këtë aktivitet elektoral me 650 euro sa është edhe paga mesatare e qytetarëve të Prishtinës. Pas shpenzimeve për banimin, ushqimin edhe disa shpenzime tjera të paparashikueshme, na kanë ngel në 190 euro”
“Për sot e bëmë edhe pagesën për çerdhen private që na kushtoi 200 euro dhe tashmë jemi 10 euro minus”.
