Ervin Shabani takohet me Faik Bicurrin: Këshilla dhe vizion për një Gjakovë më të zhvilluar

Kandidati i PDK-së për kryetar të Gjakovës, Ervin Shabani, e nisi ditën me një takim të veçantë me Faik Bicurrin, ekonomist me përvojë të gjatë në administratën komunale dhe një nga themeluesit e Partisë Demokratike të Kosovës në Gjakovë.

Në këtë takim, u diskutua për sfidat dhe mundësitë e zhvillimit të qytetit, me theks të veçantë në aspektin ekonomik dhe urban. Shabani tha se nga ky bashkëbisedim mori këshilla të çmuara që do t’i shërbejnë gjatë qeverisjes së tij.

“Ditën e nisa sot me Faik Bicurrin, ekonomist me përvojë të gjatë në Komunën tonë dhe një ndër themeluesit e PDK-së në Gjakovë.

Baci Faik e do Gjakovën me zemër, e do të zhvilluar ekonomikisht, të organizuar dhe urbane.

Nga kjo bisedë mora shumë këshilla e informata të vlefshme, të cilat si Kryetar i Komunës do t’i përdor për ta bërë Gjakovën edhe më të mirë.

Në fytyrën dhe fjalët e Bacit Faik pashë dashurinë e sinqertë për qytetin tonë, një dashuri që më jep forcë dhe motivim shtesë për ta çuar përpara Gjakovën që të gjithë e duam.

#ervinshabanipdk191”, tha Shabani.