Në Pallatin e Drejtësisë ka nisur seanca për hedhjen e gazit lotsjellës në Kuvendin e Kosovës më 21 mars të vitit 2018.
Të pranishëm janë Xhelal Sveçla, Fitore Pacolli, Salih Zyba e Drita Millaku.
Seanca e kaluar, ajo e 2 korrikut të këtij viti, nuk u mbajt për shkak të mosprezencës së Pacollit.
E njëjta kishte shkruar në Facebook duke pretenduar se nuk ka pranuar ftesë zyrtare nga Gjykata e Prishtinës për mbajtjen e seancës me atë datë.
“Gjykata e ka adresën time të banimit dhe e di saktësisht ku banoj. Nëse vërtet kanë dërguar një ftesë dhe nuk më kanë gjetur në shtëpi, është obligim ligjor i shërbimit policor apo postës që të lënë një njoftim për praninë e tyre, qoftë për të caktuar një datë tjetër, qoftë për të më njoftuar që të paraqitem në gjykatë”, pati ka shkruar Pacolli.
Aktakuza ndaj Sveçlës, Pacollit, Zybës e Millakut është ngritur më 26 korrik, 2019, pasi, sipas Prokurorisë, thuhej se hedhja e gazit lotsjellës kishte pamundësuar vazhdimin e seancës së Kuvendit dhe të gjithë deputetët ishin detyruar ta lirojnë sallën.
