Këshilli i Pavarur Mbikëqyrës për Shërbimin Civil, ka rrëzuar një vendim të Donika Gërvallës, të marrë në janar të vitit 2026 gjatë kohës sa kjo shërbente si Ministre e Punëve të Jashtme duke konstatuar se ish-kryediplomatja ka shkelur ligjin. Gërvalla, më 22 janar 2026, kishte larguar nga misioni diplomatik ankuesin me inicialet A.Ç, vetëm një vit pasi e kishte emëruar. Por, këtë e kishte bërë në formë të paprecedentë.
KPMShC, në verdiktin e dhënë ka sqaruar se A.Ç, nga Gërvalla ishte larguar nga misioni diplomatik në Kroaci, me një vendim që kishte vetëm pjesën hyrëse dhe dispozitivin, pa asnjë arsyetim.
Sipas Ligjit, tërheqja e diplomatëve duhet të bëhet në kohë efektive duke specifikuar qartë arsyet e vendimit, por, për Gërvallën këto s’kishin vlerë.
Për rrjedhojë, ajo mori vendim në kundërshtim me Ligjin për Procedurën Administrative.
“Kolegji ve theksin të fakti së vendimi Nr.Ref:09/2026, i datës 22.01.2026, i Ministres së Ministrisë së Punëve të Jashtme dhe Diasporës, përbëhet vetëm nga pjesa hyrëse dhe dispozitivit, dhe si i njëjti nuk përmban fare arsyetim dhe këshillë juridike. Rrjedhimisht, Kolegji vlerëson se përveç se në pikën 1 të dispozitivit është cituar së ankuesi tërhiqet nga Ambasada e Republikës së Kosovës në Kroaci për nevoja të institucionit, vendimi nuk përmban asnjë sqarim arsyetues së cila ka qenë nevoja e institucionit në ketë rast, veprim ky në kundërshtim më nenin 48, paragrafi 1, nën paragrafi 1.2, 1.3 dhe 1.4 të Ligjit Nr.05/L-031 për Procedurën e Përgjithshme Administrative”, thuhet në vendimin e KPMSHC-së.
Si përfundim, Këshilli ka rrëzuar vendimin e Gërvalles duke e kthyer çështjen në rivendosje.
