Graishta pas aksidentit tragjik: Zero tolerancë për çdo shkelje trafiku që rrezikon jetën e qytetarëve

Drejtori i Policisë Rajonale në Gjakovë, Lumni Graishta, ka reaguar pas aksidentit tragjik në të cilin humbi jetën Laurent Krasniqi, i cili po drejtonte një motoçikletë.

Graishta ka bërë thirrje për respektim të rregullave të komunikacionit, duke theksuar se nuk do të ketë tolerancë ndaj shkeljeve që rrezikojnë jetën e qytetarëve.

Shkrimi:

Zero tolerancë për çdo shkelje trafiku që rrezikon jetën e qytetarëve tanë!

Çka është tepër, është tepër, dhe nuk ka hapësirë tjetër përtej kësaj. Këtu duhet të ndalemi.

Ky popull nuk e ka as edhe një jetë tjetër që mund ta humbas për shkak të papërgjegjësisë, injorancës e arrogancës së kujtdo qoftë.