Gruaja ther me thikë një burrë në Mitrovicë, Policia jep detaje

Një incident i rëndë ka ndodhur në Mitrovicë të mërkurën rreth orës 15:40, ku një grua e ka sulmuar me thikë një burrë.

Sipas raportit të policisë, viktima është dërguar menjëherë për trajtim mjekësor.

Me vendim të prokurorit, e dyshuara është dërguar në Klinikën e Psikiatrisë për trajtim të mëtejshëm.

“Mitrovicë jugu. 29.04.2026-15:40. Është arrestuar e dyshuara femër kosovare pasi që e njëjta dyshohet se ka therë me thikë viktimën mashkull kosovar. Viktima është dërguar për tretman mjekësor, ndërsa e dyshuara me vendim të prokurorit është dërguar në Klinikën e Psikiatrisë”.