Gruda: Do të ishte e pandershme që votimi i presidentit të kushtëzohet me ligjin për Specialen

Deputeti i PDK-së, Përparim Gruda, ka deklaruar se do të ishte e pandershme që votimi i presidentit të kushtëzohej me votimin e ligjit, duke theksuar se një kërkesë e tillë nuk duhet të bëhet.

Gruda tha se shpreson që të mos ketë një kërkesë të tillë, ndërsa theksoi se PDK-ja është e gatshme të bëjë gjithçka për mbrojtjen e ish-krerëve të UÇK-së.

Duke folur për qëndrimin e Lëvizjes Vetëvendosje se nuk e ka votuar themelimin e Gjykatës Speciale, Gruda tha se ky qëndrim duhet të dëshmohet edhe përmes votës së sotme.

“Nëse VV-ja krenohet sot se nuk e ka votu Gjykatën Speciale, është koha me e bo testin. Sa të sinqertë kanë qenë atëherë, matet me votën sot këtu”, shtoi Gruda.