Haxhiu priti ambasadoren e Finlandës për të forcuar bashkëpunimin parlamentar

Kryetarja e Kuvendit të Republikës së Kosovës, Albulena Haxhiu, priti sot në takim Ambasadoren e Finlandës në Kosovë, Eevamari Laaksonen.

Gjatë bisedës u diskutua mbi marrëdhëniet e mira dhe bashkëpunimin e qëndrueshëm ndërmjet dy vendeve, si dhe mbështetja e vazhdueshme e Finlandës për zhvillimin demokratik të Kosovës.

Në fokus të takimit ishin edhe mundësitë për të thelluar bashkëpunimin parlamentar në të ardhmen.

Kryetarja Haxhiu shprehu mirënjohjen për kontributin e Finlandës në proceset e shtetndërtimit dhe në fuqizimin e institucioneve demokratike të vendit.