Nënkryetari i Lidhjes Demokratike të Kosovës (LDK), Lutfi Haziri, ka deklaruar në Debat Plus se kryeministri në detyrë, Albin Kurti, mund të ndryshojë gjuhën publike gjatë ditëve në vijim, por sipas tij, qëllimi mbetet i njëjtë.
“Po shpresoj që gjatë kësaj fushate 10-ditore që po hyjmë, ofertat e partive politike të mos i çojmë prapë. Albini ndryshon vetëm metodë, qëllimin nuk e ndryshon kurrë”, tha Haziri.
Ai vlerësoi se zbutja e fjalorit nga Kurti lidhet me mungesën e mbështetjes së gjerë qytetare, sidomos nga votuesit e paanshëm dhe jo militantë.
“Nëse i duhet tash fjalori më i butë, është sepse nuk ka gjetur mbështetje qytetare. Ajo pjesa e shëndoshë e qytetarëve nuk e ka pranuar si të mirë. Për momentin e ndërron fjalorin, por qëllimin jo,” u shpreh Haziri.
Sipas tij, Kurti pritet të rikthehet në një fushatë negative, ashtu si në zgjedhjet e mëparshme.
“Gjitha fushatat që i ka udhëheq, ka pri me fushatë negative, zgjedhje e tij, duke denigruar duke shkaktuar garën e pështymës, duke u marrë me rivalët politkë me familjet e tyre duke denigru të kaluarën politik të gjithkujt pa kursyer askënd. Kush nuk është me të është kundër tij e ka përdor këtë, nuk ta falë qëllimin e vetë”, deklaroi Haziri.
