Hoti: Kurti mashtron veten dhe botën me deklaratat se e ka ulur pabarazinë në paga

Deputeti i Lidhjes Demokratike të Kosovës, Avdullah Hoti ka thënë se deklaratat e kryeministrit Albin Kurti, se ka ulur pabarazinë në paga është mashtrim.

Hoti shkroi se raportet nuk kanë ndryshuar në pesë vjetët e fundit, dhe se sipas tij gjysma e popullsisë në moshën e punës nuk marrin pjesë në treg.

“E fsheh të vërtetën:

- nga çdo 10 persona të moshës së punës, vetëm 4 janë të punësuar;

- nga 10 gra të moshës së punës, vetëm 3 janë të punësuara;

- nga 10 të rinj të moshës 15-24, vetëm 3 janë të punësuar;

- gjysma e popullsisë së moshës së punës as nuk marrin pjesë në tregun e punës.”, shkroi Hoti në Facebook.

Ai shtoi se edhe kosotoja e jetës është dyfishuar në pesë vitet e fundit duke.

“Atëherë për çfarë ulje të pabarazisë po flet ky?”,ka pyetur deputeti Hoti.