I riu nga Drenasi gjen portofolin e tifozit turk dhe ia kthen pronarit

Një gjest për t’u vlerësuar ka ardhur nga i riu nga Drenasi, Arian Hajdaraj.

Ai kishte njoftuar se kishte gjetur një portofol të një tifozi turk përballë Ministrisë së Drejtësisë, duke kërkuar ndihmën e qytetarëve për ta gjetur pronarin.

“Sapo ia dorëzova pronarit (biseda ke gjakftohtë për shkak të rezultatit)”, ka bërë të ditur Hajdaraj në një përditësim.

Veprimi i tij është vlerësuar si shembull pozitiv i ndershmërisë dhe qytetarisë.